اعترف الدكتور عمرو هاشم ربيع، أحد المحللين السياسيين الموالين للعسكر ونائب مدير مركز الأهرام للدراسات السياسية والاستراتيجية، بأنه لا توجد انتخابات رئاسية.

وأضاف “ربيع “- في لقائه بقناة “أون إى”، مساء الاثنين، أن الانتخابات تشترط وجود متنافسين، وأن يكونوا شبه متساوين في الفرص. ثم أردف “إذا لم تتوافر هذه الشروط، فإنها تكون “أقرب إلى الاستفتاء”!. واصفا المرشح الرئاسي موسى مصطفى، بأنه “دوبلير”.

احنا عارفين

فى السياق نفسه، علق النشطاء على حديث المحلل السيساوى، حيث قال حسين محمد: “وإيه الجديد اللي أنت ذكرته؟.. ما هو العالم كله عارف إنها تمثيلية هزلية وجايبين كومبارس عشان يلعب قدام بلحة البطولة؛ لأن لو فيه انتخابات حقيقية هينكشف بلحة ويظهر قدام العالم بأنه بطل من ورق، وأنه هو الكومبارس قصاد أي مرشح قوي”.

عماد محمد كتب قائلا: “معني كده إن انتخابات 2014 مكنتش انتخابات بقى؛ لأن مكنش فيه تكافؤ فرص والنتائج كانت واضحة من غير غموض”.

مسرحية هزلية

أحمد مجدي قال: “إيه الجديد؟ مصر كلها عارفة إنها مسرحية هزلية همجية ملوخية بالمهلبية لبلحة وعصابته.. انتوا مفكرين إن الشعب أهبل وساذج وهيصدق المهزلة والمسرحية الانتخابية يا نظام فاسد مستبد؟ أثبت بما لا يدع مجالا للشك فشله فى كل مؤسسات وشئون الدولة”.

بهاء حمدى علق على حديث عمرو هاشم ربيع فقال: “أيوه لازم تسلموا بالأمر الواقع وتفهموا إن الناس مش نازلة”. أما شادى رأفت فكتب: “بس أنت يا عموو مجبتش من عندك كلنا عارفين الكلام دا من قبل ما أنت تتولد تقريبا”.

لا جديد

محمد علي قال: “والله الناس اللى بتفهم عارفة كده وأنت يجب أن تحترم لأنك قلت هذا الكلام على الملأ ودون خوف من أحد. تبعته وفاء مختار فقالت: “ولا أي اندهاش.. الشعب عارف ده من الانتخابات اللي فاتت”

 

رابط دائم