دشن ناشطون هاشتاج حمل وسم #محمد_صلاح، كان الأكثر تداولاً على موقع التواصل الإجتماعى القصير “تويتر”، مغردين بإنجازه غير المسبوق بالرباعية التي أحرزها أمس خلال مباراة فريقه ليفربول أمام واتفورد بالدوري الإنجليزي.

أيقونة الفرحة

وعبر النشطاء عن سعادتهم حيث قال حساب بإسم بطاطيس..محدش بقى يعرف مصر غير الاهرامات ومحمد صلاح، بينما رد حساب بإسم شمس لا تغيب..أيقونة الفرحه المصرية فخر مصر.

وواصل النشطاء تهنئة أبوصلاح فكتب حساب انجيلي ضد الكنيسة..#محمد_صلاح حلق للانتخابات علي فكرة و مفيش سيساوي او موقع اخبار سيساوي عرف يفتح بوقه….لو ليك شعبية حقيقية كان زمانك محصن ضد السفالات و دي نصيحة لرموز المعارضة.

صلاح والجنيه المصري

أما عمر فقال..نجرب نطبعه على الجنيه ونشوف هيعمل ايه ف الدولار .

وتبعه :ناشط مش سياسي فغرد :الإنجليز هيدخلوا الإسلام علي إيد #محمد_صلاح..والمصريين هيلحدوا علي إيد بلحة.

مصطفى علق على مقال الكاتب الصحفي إللي كان مش عاجبه شعر ودقن #محمد_صلاح فكتب يقول..أنت مثال سئ لكل كاتب صحفي بدلاً من النظر لشعرة ودقنه تابع كتابات العالم كله عنه .ولا هو حقد وغل وحسد ولا أنت طالب شهرة،عندما تسئ لرمز كل مصري وعربي واروبي،يفخر به ..مقالك مازادك إلا حقارة ودونيه .

بديلاً لسنين السيسي

في حين قال محمد جمال :الـ ٤ أجوان بتوع صلاح النهاردة فرحوا المصريين أكتر من الـ ٤ سنين بتوع السيسي!.

كما دعا زوم، صراحة: “‏شيلوا صور السيسي وحطوا صور صلاح”.ووافقه إسلام أشرف: “‏المفروض نشيل صور السيسي من الشارع ونحط صور محمد صلاح والله”. وحكى أحمد أنور عن موقفه مع ابنه: “‏ياسين ابني عمال أنا وهوا نغني أغنية صلاح وبعدين سكت وقالي كده السيسي راحت عليه … قولتله ليه يا سٌنسٌن … قالي ما صلاح the egyptian king”.

وغرد صاحب حساب “فشنك”: “‏محمد صلاح سجل 4 أهداف النهاردة هتنسي الشعب المصري السيسي والانتخابات وعبد الله السعيد”.

شعبية أبوصلاح

كذلك، قال مومي: “‏‎#محمد_صلاح لو يرشح نفسه لانتخابات مصر أتوقع حيكسب السيسي، متابعينه أكتر من متابعين السيسي، امزح امزح، العب يلا”. وقارن أحمد بين السيسي وصلاح: “‏محمد صلاح يقدر يمشي في أي حتة في البلد بحب الناس، أما السيسي مايقدرش يمشي في أي مكان الا بتأمين رهيب علشان بيخاف من الناس”.

المسرحية

في سياق متصل، علق ناشطون على هاشتاج المخابرات #الانتخابات_الرياسيه_2018، حيث كتبت رافا..مستغرب جدا المغتربين برا إلي سيبن بلدهم عشان مافيش شغل ومافيش صحه و مافيش تعليم و يجو ينتخبو الحراميه إلي سارقين البلد.

انتخبوا السيسي

رانيا منصور:انتخبوا السيسي عشان ينقذ مصر حاضر انتوا مش فاهمين حاجة حاضر دا ارتفاع الدولار مفيد للصحة حاضر و رفع الدعم مفيد جدا للمعدة حاضر بس مصر اتخربت و ايه يعنى هاننتخب السيسى تانى عشان ينقذها تانى قصة قصيرة حزينة لما يحدث فى بلد ابتلاها الله بالبلح يلا الحمد لله #الانتخابات_الرياسيه_2018.

خدعوك فقالوا

أما baya3007..فقال: خدعوك فقالوا..انتخب السيسى علشان خلى مصر دولة قوية و قرارها مستقل و رجع لمصر مكانتها.
وتابع:و دلوقتى بيطالبوا كل مصرى ينزل ينتخب علشان نبين للعالم اننا دولة ديموقراطية ،سيدى الناخب الدول القوية لا تحتاج دليل ترد به على العالم الدول القوية تفرض ما تريد و لا تطلب.

مش حتقدر

الإعلامى والحقوقى هيثم أبوخليل شارك بالوسم فعلق..مش حتعدي بها يا سيسي ،حتي لوعملت قرد ،ومشيت علي الحيطة،إنتخابات الزفة والزيطة ،دون برنامج ،ولامنافسة ،ولاناخبين ،لن تنطلي إلاعلي عصابتك ،وذبابك الإلكتروني،ستظل في نظر عموم الشعب المصري،سفاح فاسد فاشل ذليل ،يحكم بالدبابة وبإعلام مضلل !

رابط دائم