على وقع هاشتاجي #ارحل_يا_سيسي..#ارحل_مش_عايزينك”، رفعت صفحة “منشور ثورة” زجلا ساخرا من حملة السيسي “علشان نبنيها” جاء فيه:

حملة علشان نفنيها

والشعب يفضل يصرخ فيها

غلاء أسعار وبنزين اديها

وعاصمة إدارية للي بينهبوا فيها

لإعلامييها وحرامييها وفنانينها

ووزرائها وحكمها وعسكرها وافضل حاوط بسور حواليها

ما هو الشعب الغلبان مينفعش يهوب نواحيها

اديها وخليها خراب خليها

عشان نبنيها لسيادتكم وتعمروا فيها

واحنا نموت في شوارعها ومنلاقيش مقابر نتدارى فيها

ابنيها وعليها ومص دم الغلابة فيها

واشحت فلوس على اسم شعبها

وقسمها انت والحرامية حواليها

وارمي للشعب الباقي في مجاريها

احفر وابني واهدم وهجر وخرب وعمر فيها

بس لمين؟

ولادها سابوها لما الخراب انتشر فيها

وقالوا لك اشبع بيها وبحواريها وكل الخير اللي فيها

والشعب اهو بيقولك خلاص الغل في العروق اتملى وفاض بيها

واحذر ثورة تنقلب عليك وآخرتك حبل مشنقة رجلك هتمشي ليها

فين الفلوس اللي أخذتها؟

وفين الفلوس اللي بأسامينا جبتها؟

خلاص وزعتها على الحاشية وكل اللي جنابك فرقتها

احذر من ثورة جياع

هتقضي عليك وعلى اللي خان وباع

احذر من كل مصري قال خلاص فاض بينا ولينا واحنا في ضياع

رابط دائم