رد ناشطون ومغردون بمواقع التواصل الإجتماعى “تويتر” ،على خلايا ولجان أذرع الانقلاب العسكرى عقب تدشينهم هاشتاج مخابراتى حمل وسم #هختار_السيسي_ليه، بأنه لايستحق الإختيار بسبب إنهاك مصر إقتصاديا وبيعه للأرض وقتل المصريين واعتقالهم واخفائهم قسريا، وفيما يلى نرصد ما كتبه النشطاء عبر “برنت سكرين” وجاء منها مايلى:

“ناديا” سخرت من حديث الهيئة الوطنية للانتخابات: الصمت الانتخابي يبدأ من يوم الاربعاء القادم..فغردت: يا مثبت العقل و الدين يا رب .

باع الجزر واشترى غاز الصهاينة

فى حين كتب حساب باسم خالد بن الوليد:#هختار_السيسي_ليه..يمكن علشان باع الجزر للسعوديه،او علشان استورد الغاز من الصهاينة،او علشان الدولار اللي بقى بعشرين،او علشان تهجير اهل سيناء،او علشان ارتفاع الأسعار ،او علشان دم الشهداء.

مفضوح

رانيا منصور قالت..يعجبنى فى البلحاوية الهاشتاجات العميقة اللي بيعملوها قالك #هختار_السيسي_ليه على اساس انهم عندهم حرية يختاروا و ما يختاروش و دا بيسموه فى علم النفس العميق انكار الواقع عموما الحاجة الوحيدة اللى اصدق انكم تقدروا تختاروها هى الطبلة غير كدا هايتحط كلابشات فى ايدكم و تترموا فى السجون.

المفتري كتب ساخرا:علشان فاتورة المية و الكهربا رخصوا ،والبنزين رخص ،و الجنيه ف**خ الدولار ،والمرتب بيكفينا 3 شهور ،و جهاز الفيروسات ،والقناة رسمت خريطة العالم ،والحرية واستقلال القضاؤ، وحافظنا على التراب الوطني ،و بقينا محترمين من العالم كله ،و المصري بقا له تمن .

وعد فأخلف وائتمن فخان

مورستان..#هختار_السيسي_ليه علشان وعد فاخلف وائتمن فخان وبنا سجون كتير وقتل ناس كتير وسجن ناس كتير وحول مصر من دوله الي اشباه دولة.

وأضاف: علشان يبيع اللي لسه متبعشي ويخون اللي لسه متخنشي ويقتل اللي لسه متقتلشي ويرحمنا من ديك ام العبيد اللي لسه مبتفهمشي.

استطلاع فاضح

مغرد صعيدي ..#هختار_السيسي_ليه ولا هختاروا ولا نيله،دول شوية لجان عاملين هاشتاغ وتلاقيها سبوبه .كما وضع استطلاع رأى على الهاشتاج حتشارك فى الإنتخابات ولاحتقاطع فكانت النتيجة كاشفة..حيث أبدى 90% منهم مقاطعة فنتخابات ..بينما أيد النزول فقط 10%.

اسماعيل النجار..المنطق انتحر واتحلل من غير ما يندفن كل البقر الي في الهاش ده كاتبين في البايو مصري حتي النخاع او اعشق ترابك يا بلدي ازاي يا بقر ازاي جتكوا الارف #هختار_السيسي_ليه محدش هيختاره هو خايف من الشعب اصلا معدش في حد مغيب الا المنتفعين.

شعب يستاهل

أحمد عبد الناصر الشرقاوي..انا مش هنتخب حد اصلا بس لو حكمت هختاره هو مش عشان هو ناجح ابداً،بس عشان احنا شعب يستاهل يحكمه بلحه،شعب يعشق العبوديه والذل،شعب تجمعه طبله ويفرقه كرباج!.

حساب باسم محمد السادات..سيختاروه هم لانهم استحبوا العمي علي الهدي واستمرؤا الزل والهوان،لإن تربيتهم باطلة واختيارهم باطل،فمن شب علي شئ شاب عليه.

علشان الصب في المصلحة

وغرد الإعلامى أحمد العربى فكتب..الصب فى المصلحة كل خميس ..والجنيه ف**خ الدولار،وبناء السجون الجديده ،وتعميم نشيد قالوا ايه علينا فى طابور الصباح،والحرب اللى فى سينا ،والفراخ اللى رخصت بتاكلها وتموت،وعربيات الخضار بتاعت الجيش،واللنضه الموفرة،والحريه اللى مالهاش مثيل ،مابعش غير جزيرتين وميت الف كم.

وأضاف:اسماعيل يس على تويتر ساخر هو الآخر..هو احنا كنا اختارناه أولاني عشان نختاره تاني.

مزيد من الإنجازات

أحمد بدران كتب معلقلا على الهاشتاج..#هختار_السيسي_ليه،عشان عنده برنامج قوي ،عشان بيحترم الشباب وحرياتهم ،عشان مفرطش في شبر واحد من ارضنا ،عشان التضخم اللي قضي عليه،عشان الديمقراطية اللي وصلت لاعلي مستوياتها من 60 سنه ،عشان التصنيف العالمي للتعليم والصحه والفساد… تحيا مصر.

كما قام حساب باسم “محمود عز” باستطلاع رأى هختار السيسى ليه..وكانت النتائج..عشان الرقصات والإعلاميين وحصل على 100%، وعشان التعليم والصحة فكانت صفر% وأخيرا عشان حقوق الإنسان فجاءت بنفس النتيجة صفر فى المأئة.

خلاصة الكلام

أحمد حسنى #هختار_السيسي_ليه عشان دمر اقتصاد مصر وجوع شعبها وباع ارضها.تبعه ..Ahmed Elaraby..‏عشان الجنيه عام..والكهربا والمياه بقوا نار..وتيران وصنافير اتباعوا..والف كيلو متر من سينا كمان للسعوديه..والمعتقلات والسجون مليانه بالابرياء..والاسعار نار ياحبيبي نار..ومفيش لا امن ولا امان ..وتهجير اهلنا فى سينا ..والمصرى مالوش كرامه فى بلده..وعشان علاج الايدز بالكفته.

رابط دائم