تصدر هشتاج “#ابوتريكه” قائمة الهشتاجات الاكثر تداولا علي موقع تويتر، عقب الغاء محكمة النقض إداراج نجم النادي الاهلي والمنتخب المصري السابق محمد أبوتريكة، و1537 آخرين ضمن قوائم”الارهاب” الانقلابية.
وكتب الناشط الطلابي أحمد البقري :”الغاء ادراج الخلوق أبوتريكة من على قوائم الإرهاب واعادة الدعوى للجنايات.. ابوتريكة لا يحتاج الي محاكم #السيسي لنعرفه هو محبوب الملايين وتاريخ حذائه أكبر من نظام بلحه الفاشي!”، فيما كتب الكاتب الصحفي جمال سلطان :”محكمة النقض ، أعلى محكمة مصرية ، تبطل قبل قليل حكم إدراج اللاعب الدولي محمد ابوتريكة على قوائم الإرهاب ، الحكم أخلاقي ورمزي ، لأنهم استبقوه بحكم آخر جديد ، لكنه حكم كاشف ومحرج للغاية للنظام بكامله”.
وكتب الفنان ياسر جلال: “مبروك يا إرهابي القلوب مليون مبروك يا كابتن محمد .. إنت من أفضل من أنجبت مصر في كرة القدم حقيقي رمز الأخلاق والتسامح والمهاره داخل الملاعب وخارج الملاعب ربنا يوفقك دايماً يا حبيب العرب”، فيما كتبت سالمة أحمد :”مبروك البراءه ورسالتى ليك وراك ناس كتير بتحبك مش مصدقين اى حاجه تتقال عليك والثبات الى عندك وانك مردتش ع كل الشتايم والى اتقال دا يأكد ان اخلاقك عاليه ومعلش لو حد جه عليك او اتهمك ظلم النهارده قصاد العالم كله بتتثبت انك برئ وانك مش ارهابى ودا قرار مش من فراغ ولا صدفه”
وكتب أسامة جاويش :”مبروك يا عم الناس ، سيبك من اللي هاجمك واللي شتمك لأن مصر والعالم العربي كله بيحبك يا تريكة وهنفضل نحبك يا أمير القلوب”، فيما كتب إسلام رجب :”انت الوحيد اللى فرحتك بتسمع فى قلوب كل المصريين ما عدا العاق أحمد موسى”، وكتب محمد علي :”ابوتريكه الف مبروك يا كابتن محمد انت مش رمز للاهلى او لمصر بس انت رمز وخير مثال للمسلم الحقيقي ، بحبك يا كابتن تريكه”، وكتبت روان محمود “ابوتريكه .. ترجع مصر بألف سلامه.. ألف مبروك”.
