ثورة على “مواقع التواصل” رفضًا لتطاول وزير “تعليم السيسي” على الأمهات!

- ‎فيسوشيال

شهدت مواقع التواصل الاجتماعي خلال الساعات الماضية ثورة من الغضب ضد تصريحات طارق شوقي، وزير التعليم في حكومة الانقلاب، والذي تطاول فيها علي نساء مصر، واتهمهن بالفشل في تربية ابنائهن.

وكتبت فاطمه محمد :”سيب الامهات فى الهم اللى هى فيه كفايه الثانويه اللى دمرتنا فيها وعاملين ذى التايه اللى مش عارف طريقه حسبى الله ونعم الوكيل فيك”، فيما كتبت نوفي أيمن :”اتقي الله أمهات مصر أغلبهم مطحونات شغل بره البيت وشغل جو البيت هو معلبك ال تبجي تغسل النوعين وتحضر فطار وغذاء وعشاء وتغسل الهدوم وتطبق وتكنس وتسمح اتقي الله احنا غلابه مش زي مراتك ال عندها خدمين في البيت”، وكتب محمد عبد المولي :”امهات مصر مطحونين هم وازواجهن في السعي وراء متطلبات الحياه القاسية جدا والتي لايشعر بها امثالك بأسيادهم الوزير المزعوم”.

وكتبت شادية جرجس :” السيدات في مصر مطحونات عيب تتكلم عليهم كده…ايه الهدف من الكلام ده…بتداري علي خيبة نظام التعليم اللي مش عارف تطوره”، فيما كتبت أميرده فؤاد :”ااه بقت الامهات دلوقت.. وانت طبعا مش فاضي تدير التعليم بصوره مظبوطه ليه بردو علشان النت وكل الوزرا والرئيس مش عارف يدير البلد ليه بردو علشان النت يا راجل استغفر ربنا علي اللي بتقولوا ده الست دلوقتي بتشتغل بدل الشغلانه اتنين علشان تعرف تصرف علي عيالها ااه مش فاضيه تربي علشان بتشتغل اتكسف علي دم اللي يعرفوك”.

وكتب اشرف عبد الفتاح :”يعني شيفهم مرفهين ده بيكملو اليوم بضلين دول اغلاب نساء العالم دلو راحات فرح فشارع الجنبه يوم عيد يعم ارحمو الناس”، فيما كتبت نيرمين جرجس :”من فضلك انت متعرفش حاجة عن امهات ارحمنا ربنا بيقول ارحموا من فى الارض يرحمكم من فى السماء ياريت بدل متعمم تروح تعمل شى يساعد الامهات بدل ماحاضرتك قاعد كده وعندك مشاكل فى الوزارة ليس لها حصر انت تعبتنا وتعبت الاولاد وكل واحد بيتعامل مع الوزارة”.

وكتبت شول محمد :”منك لله انت واحد مش شايف ولا عارف حاجة انت حافظ مش فاهم اي كلام بتردده وخلاص نفس طريقة الوزارء القديمة ونفس النظام القديم كل وزير يطلع يتهم الشعب عشان الشعب الشماعه اللي يحط عليه اخطاءه”، فيما كتبت د.هند قنديل :”بص دخلت علينا بفكره التاب والغاء الكتاب عشان نصدق انك بتطور.. بعدها لا جبت تاب و لا بأه في كتاب.. انت مالكش كلمه وقراراتك كتير مش بتعرف تنفذ منها حاجه فكفايه عك”، وكتب محمد جادل الله :”انتوا جايبين ناس يشتغلوا عندنا علشان يقلوا ادبهم علينا؟؟”.