ندّد رواد التواصل الإجتماعى بقرار مدير  إحدى مدارس الإسكندرية  الخاصة الشهيرة،بعدم وضع صورة طالبة حصلت على المركز الأول فى امتحانات الثانوية العامة بسبب ارتدائها “النقاب”؛ ما أثار حفيظة السوشيال ميديا معتبرين الأمر بأنه ” تنمر” وضد الأخلاق التربوية للمعلم .

كان منشور صادر من الطالبة سارة عبد الفتاح محمد ،الحاصلة  على المركز الأول فى الثانوية العامة بالإسكندرية ،تكشف فيه حالة التنمر التى واجهتها عند رفض وضع صورتها بسبب أنها “منتقبة” على حائط مدرستها،حيث قالت فى تدوينة لها: معندناش منتقبات..كلمة مستشار قالهالى لما روحت اوديله الصورة.وأضافت: اه معلش اسفة نسيت أننا فى مصر..بنحييب ننشر الحاجات السلبية،لو حد لابس نقاب وعمل حاجة غلط يلا انشروا الصور ويلا امنعوا النقاب،وتابعت: إنما لو حد عمل حاجة كويسة لامعندناش منتقبات.

وأشارت: ياسيادة المستشار احنا مش بنطلب الحياة الدنيا، أنا النقاب عندى بالدنيا وعمرى مهتخلى عنه أبداً مهما كان.

واختتمت تدوينتها :عايزه أزود حاجة كمان ،كزون صورتى تتعلق فى المدرسة ده فخر ليهم مش لى .كما جاء بالمنشور

كلنا “سارة المنقبة”

فى سياق متصل، عبر صحفات الفيس بوك عن استياءها من الموقف، ودفعهم لنشر صور الطالبة المتفوقة ووضع ورتها كبروفيل تكريماً لها وفضح “تنمر” مدارس دولة الانقلاب الخاصة.وكتب الدكتور أحمد عبد الباسط” المهاجر” على فيس بوك: كلنا هنضع صورة سارة وهنفتخر بها كمان ،الف مبروك يا سارة ومن نجاح لنجاح دوماً ،مع وسم ” #مش_هنكسر_فرحة_سارة”.

وغردت “ايمان محمد خليل”: هذا يدل على تخلف وعنصريه من مدير مدرسه فاشل .. هو بلبسها ولا تفوقها؟؟ولو كانت عريانه كان نزل صورتها.

وكتبت ولاء أبو زيد :إحنا العنصريه عندنا مالهاش حدود ساره المدير رافض يحط صورتها علشان منتقبه وانا مدير ما رفض ان انا اشتغل في مكان ما علشان مش محجبه .

وقالت “مندولين”: الف مبروك يا سارة وانشاء الله دايما متفوقة ومتالقة .من حسن الى احسن يا رب .دول شرف تعتز بيهم الدولة وتحطهم تاج فوق راسها مو تمنعها من الاحساس بسعادة فرحتها.حسبي الله ونعمل وكيل في كل ظالم عنصري.

وذهبت صوفيا لقول: معلش لو كانت يهوديه كان والجزمه علي دماغك هتحط صورتها وبامر من رئيس الدوله كمان.

وعلق أحمد حسن..مليون مبروك ياسارة ولا تزعلى نفسك، يكفيك شرف ماكتبتيه فى صفحتك.وتابعه فيصلك  بنت بـ100 راجل فى زمن ضاعت الرجولة وليست الذكورة.

وكتب سعيد..الطالبة : ساره عبد الفتاح محمد ،المجموع : 408.5 ،المركز: الأول علي مدرسة الاقبال سرايا ،، الاسكندرية.

وأضاف: ساره انتي عند ربنا بأخلاقك حاجه كبيره جدا عشان كدا رفعك و شرفك بالمجموع والعلم اللي اي حد يفتخر بيه.افضلي يا ساره فخوره بنفسك و بنقابك وبمجموعك اللي احنا فخورين وبنتشرف بيه،، يكفيك ان اهلك وصحابك وزمايلك فخورين بيكي.بارك الله فيمن رباك…. اثبتي أيتها الكريمة.

Facebook Comments