تصدر هاشتاجا “#قناع_الغاء_التكليف” و”#كارثه_تكليف_الاطباء_الجديد” موقع تويتر، رفضا لنظام تكليف الأطباء الجديد الذي أعلنت عنه وزارة الصحة بحكومة الانقلاب، وعبر المغردون عن استيائهم من هذا النظام، مؤكدين ضرورة التصدي له.

وكتب مروان أبوعوف: “مستقبل دفعتنا والدفعات الجاية مش لعبة، مش هتكون حقل تجارب لقرارات مخدتش حقها في الدراسة التأني في القرار وأخذ رأي أصحاب الشأن هو الأولوية لينا”، فيما كتب محمد مصطفى: “ضياع سنة من عمر الدفعة القديمة سدىٰ وتشتيت للأطباء بين التكليف والنيابة وضياع الوقت والجهد بين المديريات من أجل نقل الأوراق وغياب عنصر العملية التعليمية المستمرة”.

وكتب إيمان أبو الوفا: “سد العجز ف أعداد الأطباء ف بعض المستشفيات عمره م يبقى بتوزيع أطباء جدد من غير إشراف أو حماية، والتعليم الطبي والزمالة أبرياء من كل الإجراءات اللي بتاخدوها دي من غير تخطيط أو دراسة لإدعاء حل المشكلة ولو ع حساب المريض والطبيب”.

 

 

مستقبل دفعتنا والدفعات الجاية مش لعبة، مش هتكون حقل تجارب لقرارات مخدتش حقها في الدراسة
التأني في القرار وأخذ رأي أصحاب الشأن هو الأولوية لينا#كارثة_تكليف_الاطباء_الجديد#قناع_الغاء_التكليف

— Marwan Abou Ouf (@MarwanOuf) November 1, 2019

 

 

فيما أشار عبدالله ناصر إلى أن “الوزارة عاملة نظام جديد ومخبياه ومبتعلنش عنه مع أن موقع التسجيل فتح من ٣ أيام.. مطلوب من الدكاترة يسجلوا في وظيفة ونظام مفيش عنه معلومات غير من بوستات على الفيس بوك”، فيما كتب مازن سالم: “لو لبست سنة ولا ٣ في الجيش ميتحسبوش كسنين في الزمالة غير الـ٥ سنين ال هقضيهم وكأن ٧ سنين دول مكانوش كفاية عشان اقعد قدهم مرتين كمان”.

وكتب محمد: “نرفض قرار وزيره الصحه بتطبيق نظام تكليف للأـطباء البشريين بدون دراسة ولا مناقشة عموم الأطباء ونظرا لعيوبه الكارثية التي تؤثر إلى مستقبل عموم الأجيال القادمة من الأطباء”

 

الوزارة عاملة نظام جديد ومخبياه ومبتعلنش عنه مع ان موقع التسجيل فتح من ٣ ايام … مطلوب من الدكاترة يسجلوا في وظيفة ونظام مفيش عنه معلومات غير من بوستات على الفيس بوك #كارثة_تكليف_الاطباء_الجديد#قناع_الغاء_التكليف

— Abdallah Elansary (@ansary_abdallah) November 1, 2019

 

 

وقالت ميرنا السيد: “احنا متخرجناش بالساهل وتعبنا متجيش ف لحظة تستهتر بمستقبلنا عشان تسد عجز ! و الله زودوا مرتبات التخصصات الملحة دي و ألف مين هياخدها و هتبقي بمزاجهم بس مش عافية هيا..مش اضيع 7 سنين و اخد تخصص مبحبوش عشان مجبرة !!”.

فيما كتب أحمد صفوت: “ادعم مطالب زمايلك الاطباء .. ادعم حقهم في نظام تكليف عادل.. ادعم حق المريض المصري في توافر اطباء في كل التخصصات”.

وكتب محمد: “هل ينفع ننام و نصحي نلاقي كل حاجه اتغيرت بدون نقاش مع اصحاب الشأن !! هل بالسهوله دي تقدر تتحكم في مصير اكتر من 9 الاف طبيب في دفعتين مختلفتين بجره قلم و ياريته اتجر حتي بقرار انما من علي صفحات الفيس !”

 

 

#كارثة_تكليف_الاطباء_الجديد#قناع_الغاء_التكليف
احنا متخرجناش بالساهل و تعبنا متجيش ف لحظة تستهتر بمستقبلنا عشان تسد عجز !
و الله زودوا مرتبات التخصصات الملحة دي و ألف مين هياخدها و هتبقي بمزاجهم بس مش عافية هيا
مش اضيع 7 سنين و اخد تخصص مبحبوش عشان مجبرة !! https://t.co/nticLS4ryb

— M!RNA (@MirnaaElsayed) November 1, 2019

 

أما هند طاهر فشاركت عبر تغريدة قالت فيها: “احنا مش ضد التطوير..مش ضد فرص احسن فالتعليم.. احنا ضد الوهم ال بيتروج لينا وبيتضحك بيه ع عقولنا بالشكل ده ضد العشوائية ال ف كل كلامكم وضد تغافلكم عن مستقبلنا عشان تسدو العجز وخلاص.. اتقو الله فيناوفاهالينا وفالمرضي ال هنعالجهم” ، فيما كتب بكري :”وزاره عاجزه عن سد عجز الامكانيات وتجهيز المستشفيات باقل المستلزمات حتي بتقضي ع احلام جيل كامل بنظام غبي غير مدروس”

 

 

احنا مش ضد التطوير..مش ضد فرص احسن فالتعليم
احنا ضد الوهم ال بيتروج لينا وبيتضحك بيه ع عقولنا بالشكل ده
ضد العشوائية ال ف كل كلامكم
ضد تغافلكم عن مستقبلنا عشان تسدو العجز وخلاص
اتقو الله فيناوفاهالينا وفالمرضي ال هنعالجهم #كارثة_تكليف_الاطباء_الجديد#قناع_الغاء_التكليف

— Hend Taher (@HendTaher6) November 1, 2019

 

Facebook Comments