تصدر هاشتاج “#كيلو_الليمون” قائمة الهاشتاجات الأكثر تداولا عبر موقع “توتير”، بعد وصول سعر كيلو الليمون في الأسواق المحلية إلى 100 جنيه، وتنوعت تعليقات المغردين بين السخرية وانتقاد غلاء الأسعار وتفاقم الأزمات المعيشية والاقتصادية في ظل حكم عصابة العسكر.

وكتب خالد محمد: “كيلو الليمون بقى في متناول محمد رمضان ونجيب ساويرس”، فيما قال هاني إبراهيم: “كيلو البلطي المصري في كارفور الكويت بـ850 فلسا حوالى 46 جنيهًا مصريا والـ5 كيلو رز مصري أو عدس بدينار كويتي يعني الكيلو بـ11 جنيها مصريا وسعر كيلو الليمون المصري في سوق الفرضة الكويتي بـ500 فلس حوالي 28 جنيهًا مصريًا”.

ليمون يحرق الدم

وأضاف نور عزيز: “عشت وشوفت اليوم اللى كيلو الليمون فيه بقى ب 100ج ده كانوا بيقولوا اعملك ليمون يهدى أعصابك ؟ دلوقتى لمون يحرق الدم”.

فيما كتب وليد شرابي: “جزاء من جنس العمل..قالوا أنهم حيعصروا على نفسهم (لمونة) وينتخبوه!!!، لأن على أيامه كان كيلو الليمون بـ ٣ جنيه.. النهارده كيلو الليمون بـ ١٠٠ جنيه وهما مش عارفين يشتروه!!!”.

وكتبت نور صبري: “كيلو الليمون بخمسين جنيه.. الله يرحم مانجة د.مرسي اللي كانت بـ4 جنيهات”، وقال عبد العزيز :”من أسبوع كتبت ان كيلو الليمون وصل لـ٥٠ جنيها والناس مكنتش مصدقة.. فحابب أصحح المعلومة وأقول إنه وصل لـ ١٠٠ جنيه والأسعار بتاعت كل حاجة بتغلي ف هدوء تام وتركيز إعلامي فقط اننا داخلين أمم إفريقيا وكلنا مع المنتخب”.

حاجة تحزن

وكتب محمد بسطاوي: “كل ما بابا يسألني مش عايزين حاجة من تحت واقوله ليمون الاقيه بيتهرب مني ويقولي ما علينا من الليمون و ما كنتش فاهم ليه..النهارده نزلت السوق لقيت كيلو الليمون بـ ٨٠ جنيه واللي هو ما علينا من الليمون فعلا”.

وتابع إيمو باشا :”ظاهرة لما تحدث في تاريخ مصر كيلو الليمون 80 جنيه النهارده و اول امبارح كان 120 جنيه ليه كده هو في استغلال بالطريقة دي؟ فين الخير؟؟ فين الضمير؟؟ فين الرقابة اساسا على الأسعار؟؟ ايه اللي بيحصل حد يقولي هو الليمون غالي عندي في شبرا بس ولا في كل المحافظات؟؟ حاجة تحزن”

وكتبت نيره القدوسي :”ليه كيلو الليمون يوصل لـ100ج واحنا ساكتين على كده ليه”.

Facebook Comments