شاهد.. معتز مطر يوجه رسالة نارية لشعب السودان

- ‎فيأخبار

وجه الإعلامي معتز مطر رسالة نارية لشعب السودان بعد رفضهم بيان المجلس العسكري الجديد بقيادة عبدالفتاح البرهان.

وقال مطر خلال برنامجه “مع معتز” على قناة “الشرق”: “كبير يا شعب السودان كبير يسرقوا منك كتير بس مش طايلين قرارك رغم إن الظلم حالك كلبشت إيدك نهارك.. الطغاة ما بيعرفوش قيمة الشعوب إلا لما الحبل بينهم ينقطع تتمخض الأمة وتولد كنداكة كيف مليون جدع.. يا زول يا شايل زول مدين لصوتكم بالأمل صحيتوا في قلوبنا الربيع ادعولنا بينا تكتمل قالك هصلح كل حاجة وأكون ليكم نعم الرئيس هتف الميدان نفض الرصيف رحل البشير يوم الخميس افتح يا عم الموسعات واكتب رقم قياسي في الرحيل يحلف يمين الانقلاب الصبح يرحل بأمر الشعب قبل الليل”.

وتابع مطر: “ما أروعك يا بن الجنوب يا بن القلوب الصابرين يسقط بس ويسقط تاني ويسقط تالت لو حابين يسقط كل اللي بيستورد قهر من الإمارات ويصب البترول في سلاح يقتلكم والجبروت والجوع والغلب الشعب نور عيون الشعب مش لص خايب يرتدي توب البطولة الحق ليه سلطان وصعب يضيع مدام وراه ملايين مهولة يا شعب رافض يتهزم ذاكر تاريخ الأولين بيقولوا لما الظلم شافكم جاب مغص للظالمين طوفان نجاة وقت اللزوم قامت قيامة الفاسدين بإيدين طاهرة خرجت جموع أحراركم في الخرطوم اتزلزلت نفس الطغاة في القاهرة”.

ومضى قائلا: “كتالوج خيانة عسكر مصر بإيدكم تحرقوه وتغرقوه في النيل متشمتوش فينا اللي خانوا واللي باعوا شعبنا لإسرائيل عظموا الشهداء بدولة يرضوا عنها اليوم ما تتلاقى الوشوش فيها عدل وفيه مداولة السياسية للجميع إلا العساكر والجيوش، الجنرالات لو حبوا خير للكل مكانهم المضبوط على الحدود ميزغللوش عنيكم بألف شوال من ابن زايد أو سعود، تستهلوا أجمل من اللي فات يا شعب حي ومحترم مش جولة تانية ببندقية وجيل يقاسي ويتحرم كلمة مرور أحلامكم لشطوط النجاة اتوحدوا وانسوا الأنا أكبر مؤامرة يوهموكم إنهم هما الحياة سنتين دا إيه يا زول ولا تصبر سنة كبير يا شعب السودان كبير”.