شفيق: “لو ترشح السيسي مش هنزل لأنهم هيوضبوله كل الصناديق”

- ‎فيأخبار

أحمد نبيوة

استكملت شبكة رصد نشر الجزء الثاني من تسريب الفريق أحمد شفيق، رئيس وزراء مصر الأسبق في عهد المخلوع مبارك والمرشح الخاسر في الانتخابات، حيث قال :"طبعا انسحابهم مرهون بترشيح السيسي.. أنا قلت إيه لو نزل انتخابات مش حانزل، مش مجرد ترشيحه، يعني أول ما يترشح.. أنا حاعمل الورق بتاعي وحيبقى مرهون.. إذا هوه حينزل.. لأني أعلم إنه هوه حيوضبوله كل الصناديق.. حيوضبوله الدنيا..

وأضاف: "عملية عملية حتبقى هزلية.. وهيه من الأول خالص من الأول ما الجيش أعلن ترشحيه مكنش يعني.. أنا أعتقد إنه يمكن لو جاله ضغط يعني يخلي.. يعني يلفت نظر العالم لـ.. إنه هو الواحد ما يترشحش مش محبه فيه.. لأ لأنه الميكانيزم مش حيمشي سليم.. إيه أواجه إيه.. اللي هيه لو معركة حواجه.. إيه العبط اللي بيقولوا ده.. إيه الناس السطحية دي.. حاجة الدولة حتشتغل لحسابه.. الدولة حتشتغل لحسابه".

وتابع: "إيه المواجهة؟ المواجهة إنه أنا الشطارة إنه أخش وأجيب 10% وأطلع؟ الشطارة أخش وأجيب 8% وأطلع؟ إيه الشطارة في كده بقى؟ إذا كنت أنا عارف إيه اللي حيطلع.. إذا كانت مواجهتي حتعمل نتيجة ماشي لكن العملية ملعوب فيها ملعوب فيها كلها يبقى إيه بقى!.. لا يعني طبعا".

واستطرد قائلا: "إيه الرجولة اللي فيها يعني؟ هيه دي "فير فايت"؟ هل هيه يعني معركة شريفة؟"