شقيق شهيد “الجمل”: أسرتنا ودّعت أفضل أفرادها منذ 6 سنوات!

- ‎فيأخبار

بالتزامن مع ذكرى موقعة الجمل التى دارت يوم 2 فبرير 2011 خلال الأيام الأولى لثورة 25 يناير واعتصام الثوار بميدان التحرير التى انتهى برحيل المخلوع مبارك وانتصار إرادة الثوار.. كتب شقيق عبدالكريم رجب شهيد موقعة الجمل ابن قرية الصنافيين بمنيا القمح بالشرقية: من 6 سنوات كانت أطول ليلة في تاريخ الثورة المصرية ، وأطول ليلة علي أنا وأهلي وكل اخواني.. زي النهاردة ذكري الموقعة الفاصلة للثورة، ذكري موقعة الجمل، ورجال وأسود وشهداء موقعة الجمل”.

وتابع عبر صفحته على فيس بوك: “يوم بليلة قابلت فيها عبدالكريم حوالى 4 مرات، مرة اول ما استقبلني بالميدان صباحا، ومرة بعد العصر وكان وقتها البلطجية مسكوه وضربوه وسلموه للجيش، ومرة كانت بالليل لما كان راجع من الصفوف الأولي عند المتحف…وإيديه الاتنين اتخلعت من كتر تحديف الحجارة ووقتها طلع مع مجموعة فوق العمارات اللي كان البلطجية متحصنين فيها وبيرموا مولوتوف علي الثوار”.
واستكمل: “وآخر مرة.. كان شهيدا في مستشفي قصر العيني، كل مقابلة من المقابلات كان ليها حكاية وقصة والله أكثر من رائعة.. كأني أعيشها بالأمس القريب، من ست سنين.. أسرتنا الصغيرة ودعت أفضل واحد فيها.. تدين وخلقا وحماسة..وإقدام وتفاني”.
واختتم: “الله يرحمك يا كريم.. ويتقبلك في الشهداء والصالحين.. ويشفعك فينا.