زوجة هشام جعفر: “اتقهرت من اللى بنشوفه فى الزيارات”

- ‎فيحريات

كتب: أحمد علي
استنكرت زوجة الكاتب الصحفى هشام جعفر، القابع فى سجن العقرب سيئ السمعة، التأثير السلبي على الأطفال؛ نتيجة اعتقال آبائهم لفترات طويلة دون أي تهمة حقيقية، ما أثر على نفسياتهم بشكل كبير.

ووصفت الدكتورة منار الطنطاوي، عبر صفحتها على "فيس بوك"، مشهدًا من زيارتها لزوجها، أمس الأربعاء، حيث دار حوار بين نجلها خريج الجامعة وطفلتين عمرهما 6 سنوات، يبرز بشكل كبير كيف يعبر الأطفال عن واقع الحال بلغة تفوق أعمارهم بكثير.

وقالت: "من المبكيات فى الزيارة أن هناك بنتين زى القمر صغيرتين جدا بيتكلموا معانا، فبيقولوا لابنى أنت جاى تزور فى استقبال؟ قالهم لا العقرب، قالوا له: العقرب ده إيه؟.. آاااه عرفت اللى بتمسك سماعة وهو سماعة قالهم آه. واحدة قالتله وليه باباك فى العقرب مش فى استقبال؟ فابنى قالها علشان بابا خطير جدا (ابنى متخرج والبنت 6 سنين)، قالتله عمل إيه.. ضرب عسكرى؟ قالها لا ده العسكرى غلبان، قالتله تعالى ووشوشته فى ودنه، وبعدها لقيت وشها متغير. بعد ما خلصنا الزيارة بقوله البنوتة كانت بتوشوشك بتقلك إيه؟ قالى قالتلي أنت عارف العسكرى اللى بتقول عليه غلبان ده الضابط يقوله شعلق بابا وهو يشعلقه علشان يضربه".