محامى “دهب” للحقوقيين والصحفيين: هناك ألف “دهب” أخرى في سجون الانقلاب

- ‎فيأخبار

وجه إسلام سلامة -محامي المعتقلة " دهب "- رسالة إلى جميع الصحفيين والمحامين والحقوقيين بتكثيف الحملات الداعمة للمعتقلات في سجون الانقلاب وذلك بعد الإفراج عن موكلته، مؤكدا وجود أكثر من ألف "دهب" أخرى بحاجه للدعم وترويج قضاياهم.
وقال سلامه في رسالة له على مواقع التواصل الاجتماعي: "دهب خلاص خرجت كفايه أسئلة عنها، وكلام عنها، احنا عندنا الف دهب جوه السجون محتاجين نظره.. اللى عايز يشتغل بجد يروح النيابات ويشوف الناس اللى بتتعرض علي النيابه بتهم هايفه وبياخدو 15 يوم فى 15 يوم واستمرار، أو يروح السجون ويبص هناك
ياجماعه والله مش دهب بس القضيه دهب ونعيمه وسماح ونورهان وسلسبيل وآلاء وكل دول ..طيب حد سمع عن الست اللى دخلوا عليها الزنزانه فى السجن لاقوها ولدت خلاص وابنها فى حته وهى فى حته وبتعانى من اعياء شديد".
وتابع سلامه: "بالله بالله عليكو حاولوا تنشروا للناس دى وتضغطوا بكل ما لديكم من قوه لاجلهم ولاجل القضيه.. موضوع دهب فتحناه عشان نخرجها بالسلامه ويبقي ورقة ضغط والحمد لله حققنا المراد منه.. يارب يثبتكم ويثبتنا ويجعلنا سبب في خروج البنات ونصرة القضية".