غدا ..تظهر “كريمة الصيرفي” بجسدها النحيل الذي أجهده الإضراب

- ‎فيحريات

ساعات قليلة تفصل الطالبة الازهرية، كريمة أمين عبدالحميد الصيرفي صاحبة الـ 20 عاماً عن نظر جلستها غداً ، ووالدتها تنتظرها هى الاخرى بفارغ الصبر تتمنى ان تأخذ ابنتها الى حضنها من جديد، خاصة بعدما ضعف جسدها نتيجة دخول صغيرتها فى اضراب عن الطعام بعد المعاملة المهينة التى تعرضت لها

عن خلفية اعتقال كريمة تقول إحدى صديقاتها: "اعتقلوا أحمد اخوها قبلها بفترة وقالوله احنا هنخرجك من هنا علشان نجيب كريمة اختك هنا ويوم اعتقالها راحت قوات كثيرة منهم علي البيت وفي الوقت ده كانت هي لوحدها في البيت دخلوا بغبائهم وبشكلهم المرعب وارهبوا البنت وطبعا قلبوا البيت رأسا علي عقب، وظلوا 3 ساعات محتجزينها داخل البيت وأخيرا خرجوا بمحتويات البيت ، حتى اخدوا عبايات كريمة من الدولاب وخدوا كل المأخدوهوش المرات ال زارونا فيها قبل كده".

وتضيف: " حاول بعض شباب المنطقة والجيران ان ينقذوا كريمة ولكن دون جدوي فاحتجزوا بعض الشباب منهم وضربوا أخرين من الذين كانوا يدافعون عن كريمة ولكن وقت اعتقالها كانت بتكلم زميلتها علي التليفون، وأول لما دخلوا علي كريمة قامت صديقتها بتسجيل وقت الاقتحام من خلال التليفون وبعدها اخدوا التليفون من كريمة وانقطع الاتصال والحمد لله أن الاتصال دا جه في مصلحة كريمة، ﻷنهم كانوا كاتبين في المحضر بتاعهم انهم قبضوا عليها وهي في المطار بتحاول تهرب.

وتستكمل : "قعدنا عدة أيام منعرفش عنها حاجه خالص ولففونا أقسام مصر كلها، وأخيرا رحلوها سجن القناطر وعرفنا انها هناك من خلال اهالي كانوا بيزوروا بناتهم هناك طبعا أول لما اعتقلوها، عملوا عرض مفاجئ لبابا الساعة 12 بالليل وقالوله بنتك تحت ايدينا هتعترف وتمضي علي كل الي احنا عايزينه المهم هددوه بكريمة قالهم احنا اصحاب قضية وأصحاب رساله وانا استودعت بنتي عند ربنا وراضي بقضاء الله.

وتتابع : " تم ترحيلها الى سجن القناطر وتمكن المحامي من استخراج تصريح الزياره، وعلمنا ان معاملتهم لكريمة كانت شوية تكون معاملة حسنه زي باقي البنات وشوية تكون معاملة سيئة وعملوا لها عرض مفاجئ مرتين بدون علمنا؛ كريمة طبعا كانت عملت اضراب قبل المجزرة علشان معاملتهم لها وعلشان جم اكتر من مرة ينهوا الزياره قبل ميعادها ، وتزامنت مع انتفاضة السجون، وبعدين بقوا يعاملوها كويس واستمرت المعاملة هكذا حتى يوم المجزرة…".

وتستطرد: " هما اضربوا الثلاثاء ليلا وكان عندنا زيارة تاني يوم طبعا كريمة رفضت تخرج بدون حجاب فواحده من الجنائيات ادتها طرحه تلبسها وطبعا خرجت بملابس غير ملابسها وتقريبا دا لبس الجنائيات الي بيستلموه في السجن وطبعا كان متسخ وقذر بمعني الكلمة وخرجت أيضا بدون حذاء طبعا أول لما شافتهم كانت منهارة تماما وقالتلهم امشوا ومتجوش المكان دا تاني ..المهم مامتها حاولت تحتضنها وتهدئ من روعها وبدأت كريمة تتكلم معاهم وقالتلها أنا مش هقدر احكيلك ولا اوصفلك اللي حصل، واستمرت في رفض الزيارات حتى يومنا هذا ومن يومها وبدأت كريمة اضرابها الكلي عن الطعام .